«ԱԼՏ» Հեռուստախմբագրություն» ՍՊ ընկերությունը հիմնադրվել է 1989 թվականին, Արմավիր (Հոկտեմբերյան) քաղաքում։ Սկզբնական շրջանում գործել է ԽՍՀՄ ՀԼԿԵՄ (ВЛКСМ) մեջ գործող «Տաթև» ասոցիացիայի անդամի կարգավիճակում։ Խորհրդային ժամանակաշրջանից հետո ստացել է գրանցում՝ որպես «Արմավիր» հեռուստակենտրոն իրավաբանական անվանումը։ 1996 թվականին Հայաստանի տարածքի վարչական բաժանումից հետո որոշում կայացվեց, որ յուրաքանչյուր մարզ պետք է ունենա իր անվամբ թերթ, և հեռուստաընկերությունը ստիպված եղավ փոխել իր անվանումը՝ դառնալով «ԱԼՏ» Հեռուստաընկերություն։
1999 թվականին, կապված ՀՀ Քաղաքացիական օրենսգրքի ընդունման հետ, ընկերությունը գրանցվեց և անվանափոխվեց «ԱԼՏ» Հեռուստախմբագրություն» ՍՊ ընկերություն։
Հեռուստաընկերությունը մինչև 2020 թվականի դեկտեմբերի 31-ը ունեցել է վերգետնյա հեռարձակման լիցենզիա։
2021 թվականից ընկերությունն իր մեդիա արտադրանքը տարածում է 2012 թվականին ստեղծված www.alttv.am կայքի միջոցով։
Գործելով գյուղատնտեսական մարզում, հեռուստախմբագրությունն իր մեդիա արտադրանքը համապատասխանեցնում է մարզի բնակչության կարիքներին, մասնավորապես՝
- Մարդու իրավունքներ
- Տեղական ինքնակառավարում
- Գյուղատնտեսություն
- Բնապահպանություն
- Հանքարդյունաբերություն
- Սոցիալ-տնտեսական
- Խոցելի և մարգինալացված խմբեր
- Փախստականներ
- Ազգային փոքրամասնություններ
- Կրթություն, առողջապահություն, սոցիալական ապահովություն
«ԱԼՏ» Հեռուստաընկերությունը, տեղեկատվական նյութերից զատ, այսօր արդեն մասնագիտացված է և զբաղվում է վերլուծական, ինչպես նաև հետաքննական մեդիա բովանդակությունների արտադրությամբ։
«ԱԼՏ» Հեռուստախմբագրության խմբագրական չափորոշիչները
1. Ճշգրտություն և արդարություն – Համոզվել, որ ամբողջ բովանդակությունը ճշգրիտ, հավասարակշռված և անաչառ է: Ստուգել տեղեկատվությունները հրապարակելուց առաջ՝ սխալներից կամ խեղաթյուրումներից խուսափելու համար:
2. Անկախություն – պահպանել անկախությունը արտաքին շահերից և ազդեցություններից և խուսափել շահերի բախումից, որը կարող է վտանգել կազմակերպության բովանդակության նկատմամբ վստահելիությունը:
3. Բազմազանություն և ներառականություն – Ձգտել բազմազանության հասնել հեռանկարների, ձայների և ներկայացման մեջ և համոզվել, որ ամբողջ բովանդակությունը հարգալից է և ներառում է հասարակության տարբեր շերտերի կարծիքը՝ անկախ սեռից, տարիքից, ազգությունից և ինքնությունից։
4. Պատասխանատվություն – հրապարակումներում, անկախ ձևաչափից, դրսևորել պատասխանատվություն, առանց սենսացիաների կամ կողմնակալության:
5. Թափանցիկություն և հաշվետվողականություն – պատասխանատվություն կրել ցանկացած սխալի կամ անճշտության համար: Անհրաժեշտության դեպքում անհապաղ և ակնհայտորեն ուղղումներ և պարզաբանումներ կատարել:
6. Էթիկական սկզբունքներ – հավատարիմ մնալ հեռուստախմբագրության կողմից ստորագրված «Հայաստանի լրատվամիջոցների և լրագրողների էթիկական սկբմունքների կանոնագիր» դրույթներին։
7. Ոճ և տոնայնություն – Օգտագործել հստակ, հակիրճ և հարգալից ոճ և տոնայնություն՝ խուսափելով ժարգոնից և տեխնիկական տերմիններից, եթե դա անհրաժեշտ չէ պարզության համար:
8. Փաստերի ստուգում – Իրականացնել փաստերի ստուգման խիստ գործընթաց՝ ապահովելու տեղեկությունների ճշգրտությունն ու հավաստիությունը:
9. Վերագրում – Պատշաճ կերպով վերագրել տեղեկությունները և մեջբերումները սկզբնաղբյուրներին բացառել գրագողությունը:
10. Շարունակական բարելավում – Պարբերաբար վերանայել և թարմացնել խմբագրական ստանդարտներն ու ուղեցույցները՝ արտացոլելու ոլորտի փոփոխվող լավագույն փորձը և համայնքի կարծիքը: