Նոյեմբերի 10-ին, գիշերը ժամը 01:37-ի սահմաններում, արտակարգ դեպք է տեղի ունեցել Քարակերտ-Դալարիկ կայարանամեջում: Գյումրիից Մասիս հետևող 34 վագոնից բաղկացած գնացքը վթարի է ենթարկվել: Վթարի հետևանքով 4 բենզինով, 1 ցորենով բեռնված վագոն դուրս են եկել ռելսերից, շրջվել, ապա հրդեհվել: Հրդեհը մեկուսացվել է գիշերը ժամը 03:30-ին, մարվել ժամը 6-ի սահմաններում: Դեպքի վայրում շարունակվում է երկաթգծի վերականգնման աշխատանքներ: