«Երևանից անդին․ փաստահեն մամուլ մարզային համայնքների համար» խորագրով քննարկում տեղի ունեցավ  Արմավիրի «ԱԼՏ» հեռուստախմբագրությունում, որին մասնակցում էին լրատվամիջոցների, քաղաքացիական հասարակության ներկայացուցիչներ, ակտիվ քաղաքացիներ, նախաձեռնող խմբերի անդամներ։ Միջոցառումը կազմակերպել էր Երևանի մամուլի ակումբը։ Հանդիպման բանախոսներն էին «Երևանի մամուլի ակումբ»-ի պատվավոր նախագահ՝ Բորիս Նավասարդյանը, ծրագրի ղեկավար՝ Վիգեն Սարգսյանը, «Բազմակողմանի տեղեկատվության ինստիտուտ»-ի ծրագրերի ղեկավար՝ Սեդա Առաքելյանը, «Մեդիա նախաձեռնությունների կենտրոն»-ի մեդիագրագիտության փորձագետ՝ Անի Եղիազարյանը։ Բորիս Նավասարդյանը հանդիպման մասնակիցներին նախ ներկայացրեց Հայաստանի հեռարձակվող ԶԼՄ-ներում ՀՀ ԱԺ 2026թ-ի հունիսի 7-ի ընտրությունների լուսաբանման մշտադիտարկման արդյունքները։